U tha në mediat rozë se moderatorja e “Jo vetëm modë”, Nevina Shtylla, nuk do të jetë më pjesë e emisionit në sezonin e ri. E kontaktuar nga “Iconstyle”, moderatorja nuk e ka konfirmuar largimin nga emisioni, por siguroi se do të jetë sërish pjesë e Tv Klan-it.
“Unë vijoj të jem pjesë e televizionit Klan, por përsa i përket emisionit, do të ketë gjëra të reja për të cilat nuk mund të flas ende”, është shprehur Nevina, duke mos dashur të japë detaje të tjera në lidhje me surprizat e reja, të cilat do t’i zbulojmë vetëm në shtator.
Sezoni i ri televiziv po afron, dhe moderatorët janë në lëvizje sa në një ekran, në tjetrin.
