Modelja e famshme turke me origjnë shqiptare, Ebru Salli, rikthehet sërish në vëmendjen e publikut. Salli, e cila në vitin 2014 deklaroi përpara kryeministrit turk Rexhep Tayip Erdogan “se ishte shqiptare dhe se e thoshte këtë me krenari edhe pse kjo ishte mbajtur si një sekret familjar…”, është përfshirë në një telash, këtë radhë për shkak të të dashurit Uğur Akkuş.
Biznesmeni Akkus akuzohet se ka përfituar me anë të mashtrimit 20 milionë dollarë nga një sheik kuvajtian.
Sipas disa mediave turke, në prag të vizitës së vitit 2017 të Presidentit turk Erdogan në Kuvajt, ai ishte paraqitur përpara sheikut, duke reklamuar disa fotografi të tij në krah të Erdoganit, kryeministrit turk Binali Yıldırım dhe anëtarëve të kabinetit qeveritar, që pozonin në hollin e një hoteli.
I prezantuar si biznesmen, i dashuri i Ebru Salli kishte paraqitur gjithashtu edhe një projekt investimi të përbashkët duke e bindur sheikun të lëvrojë 20 milionë USD.
Roli i modeles shqiptare me origjinë nga Gjakova në këtë histori nuk dihet. Ajo që dihet është se skandali ka plasur vetëm para pak kohe, ndërkohë që qeveria turke është duke eleminuar pa zhurmë pasojat e pakëndshme të kësaj historie si dhe dëmin eventual që mund t’i shkaktojë investitorit kuvajtian. TIRANA TODAY
