Henrikh Mkhitaryanin ka vërtetuar edhe njëherë se nuk ishte dakord me shkëmbimin tek Arsenal. Ai është mbytur nga emocionet në stërvitjet e ditës së premte, e cila duket se ishte e fundit për të tek Manchester United. Mkhitaryan pritet ta kompletojë kalimin te Arsenali në ditët në vijim me Alexis Sanchezin që do të kalojë në anën tjetër.
Mino Raiola ka punuar shumë në ditët e fundi që ta mbyll transferimin e lojtarit te Arsenali. Sipas Daily Mail, të premten nuk kanë munguar lotët në stërvitjen e Manchester United. “Ka pasur shumë lot”, ka thënë një burim brenda klubit.
“Henrikh është një figurë shumë popullore te United. Ne e dimë që ai nuk është i lumtur me këtë marrëveshje, pasi marrëveshja po bëhet pa dëshirën e tij. Ai e di që ka më shumë gjasa të luajë te Arsenali, por ai do të donte të largohej me dëshirën e tij”, vazhdoi rrëfimin burimi brenda klubit.
