Prej datës 17 Dhjetor, një 31-vjeçare shqiptare me vendbanim në Greqi ka humbur çdo kontakt me familjen.
Mediat greke kanë dhënë alarmin për zhdukjen e shqiptares, e identifikuar si Aurora Mici. Kjo e fundit humbi gjurmët në Follorinë pranë kufirit greko-shqiptar.
Ditën që u zhduk, 31-vjeçarja kishte veshur xhaketë të zezë, xhinse, atlete të bardha dhe kishte çantë të zezë.
Edhe policia greke e ka shpallur të zhdukur, ndërsa deri më tani nuk ka asnjë njoftim apo informacion për shqiptaren. Autoritetet kërkojnë ndihmën e qytetarëve që të sinjalizojnë nëse kanë informacion rreth vendndodhjes së mundshme të shqiptares Aurora Mici.
