Ditën e sotme, producenti i njohur i spektakleve të bukurisë Petri Bozo së bashku me Miss-et e përzgjedhura për kalendarin fotografik të vitit 2019 ishin të ftuar në emisionin “Trokit”.
Gjatë bisedës në studio, Alba Bajrami, e cila rrëmbeu kurorën e “Miss Shqipëria” këtë vit rrëfeu eksperiencën e saj në konkursin ndërkombëtar të bukurisë nga i cili ishte kthyer.
E teksa ajo rrëfente eksperiencën e saj, moderatori Ermal Peçi e ndërpreu t’i bënte pyetjen epike për datën e shpalljes së pavarësisë në Shqipëri.
“28 nëntor…”, u përgjigj Alba duke qeshur nga sikleti dhe duke lënë pa përgjigje të plotë pyetjen e bërë.
Ermali më pas u drejtua nga Petri duke e pyetur: “ Me historinë pse ngecin këto vajza?”.
“Po prandaj po bëhen këto të shkollave se ka ikur shkolla për l**h. Nuk u mësojnë as histori, as gjeografi. Kur unë u them do shkojmë në filan vend thonë ‘Nuk e dimë ku bie’. Fillojnë kërkojnë në ‘Google’ për gjithçka, edhe për të lidhur një fjali…”, u shpreh Bozo.
