Federata zvicerane e futbollit fillimisht refuzoi që të zhvillohej një miqësore në territorin e tyre mes Shqipërisë dhe Kosovës. Zvicra mendonte se kjo do të ishte një “reklamë” e dy përfaqësueseve para syve të talenteve shqiptare atje, ndaj për momentin e parë nuk ka dhënë lejen e miqësores të luhet në një nga stadiumet zvicerane, e zyrtarizuar edhe në faqen e FIFA-s. Ndërsa tani duket se është gjetur akordi dhe miqësorja mes tyre do të zhvillohet më 29 maj në Zyrih. Sipas akordit të arritur, takimi do të luhet në stadiumin “Letzingrund” në Zyrih në orën 20.00, teksa pak ditë më vonë është përcaktuar të luhet edhe një tjetër takim miqësor, me përfaqësuesen e Ukrainës.
Njoftimi i FSHF-së:
FSHF njofton zyrtarisht zhvillimin e ndeshjes miqësore të skuadrës kombëtare të futbollit në datë 29 maj në Zyrih ndaj përfaqësueses së Kosovës. Sipas akordit të arritur, takimi do të luhet në stadiumin “Letzingrund” në Zyrih në orën 20.00, teksa pak ditë më vonë është përcaktuar të luhet edhe një tjetër takim miqësor, me përfaqësuesen e Ukrainës.
Kombëtarja shqiptare e futbollit do të nisë grumbullimin e saj në Zvicër në datë 26 maj për të përgatitur edhe këto dy sfida miqësore. Programi stërvitor dhe mediatik i skuadrës për këto dy ndeshje miqësore do të bëhet publik në ditët në vijim.
https://tiranatoday.com/talentetzvicra-hakmerret-ndaj-shqiperise-dhe-kosoves/
