Irlandë-Danimarkë do të jetë kryefjala e futbollit në natën e sotme,ku do ë përcaktohet edhe vendi i fundit pjesmarrës në Botëror nga Kontinenti i Vjetër. Por do të kemi edhe disa përballje, që edhe pse takime miqësor kanë një rëndësi të madhe kur kemi përballje të “Big”-ëve. në orën 19:45 do të kemi përballjen e vendit organizator të Kupës së Botës, me Spanjën që është pretendentja kryesore për ta fituar atë trofe. Ndeshja do të zhvillohet në Rusi, në stadiumin “Krestovsky” ku rusët do tentojnë të tregojnë fuqitë e tyre për të vërtetuar se si vend organizator do të tentojnë ta mbajnë aty kupën, pas dështimit të provës së parë miqësore ku u mposht nga Argjentina e Messit me rezultat minimal 1-0.
Gjermani-Francë do të jetë një tjetër përballje që vlen miliona, pasi do të kemi përballje mjaft interesante të lojtarëve që luajnë me ekipet më të mira në Europë. Ndeshja do të zhvillohet në “Rhein Energie Stadion” të Kolnit në 20:45, ku djemtë e Deschamp kërkojnë të vazhdojnë rrugën e fitoreve pas i pak dit më parë mposhtën Wellsin me rezultat 2-0. Ndërsa “Pancerat” barazuan me Anglinë me rezultat 0-0. Përballja e fundit mes këtyre dy ekipeve e bën më interesante këtë sfidë, pasi Franca e eliminoi Gjermaninë e Lev në “Euro 2016” dhe kjo mund të jetë një lloj hakmarrje për gjermanët.
Takimi i fundit i mbrëmjes është Angli – Brazil, një tjetër ndeshje e madhe e futbollit botëror, që ndiqet me shumë interes, edhe pse bëhet fjalë për një miqësore. Ky takim do të luhet në “Wembley” dhe do të nisë në orën 21:00. Përfaqësuesja e “Tre Luanëve” në të njëjtin stadium dështoi të thyente Francën, ndërsa sonte do të ketë përballë Neymar me shokë, që pak ditë më parë mposhtën Japoninë në Lille të Francës me rezultatin 3-1.
