Përfaqësues të komunitetit rom dhe egjiptian në Kuvendin e Kosovës kanë deklaruar publikisht se mbështesin Ramush Haradinajn për kryeministër të vendit.
Albert Kinolli nga Partia Rome e Bashkuar e Kosovës ka thënë se ia ka bërë me dije Haradinajt se do të ketë mbështetjen e këtij komuniteti për formimin e Qeverisë.
Kinolli shprehet se partia e tij është kundër kolapsit institucional dhe nuk duan që si komunitet të jenë pengesë për mosbërjen e Qeverisë.
Ndërsa Veton Berisha nga Partia Liberale Egjiptiane ka thënë për gazetën Zëri, se me ligj dhe me Kushtetutë obligohet që të kërkojë përfaqësim të këtij komuniteti në Qeverinë e re. Ai thotë se kërkesa e parë e këtij komuniteti është që të mos ketë bllokim të institucioneve.
Ndërkohë, deri më tani, përfaqësues nga Lista Serbe nuk kanë deklaruar ende se cilin kandidat për kryeministër të Kosovës do të mbështesin.
