Ministrja e Arsimit, Lindita Nikolla, po mban një takim me mësuesit, me temën “Reforma në sistemin parauniversitar, sfida në të ardhmen.
Ministrja Nikolla zotohet se është e vendosur që të largojë politikën nga shkolla. Ajo i bën thirrje të gjithë mësuesve që të ndjehen të lirë e të votojnë për partinë që ata duan, sepse arsimi do të jetë i shkëputur nga politika.
“Tekstet sot janë sipas standardeve evropiane dhe janë pilotuar 1 vit para se të futeshin në programe mësimore. Kemi aplikuar 80 programe të reja mësimore në shkollat e vendit”, tha Nikolla
Ministrja Nikolla i bën thirrje disa politikanëve, që të jenë të kujdesshëm kur diskutojnë për arsimin, dhe të sigurohen se fjalët e përdorura të jenë të duhurat. Nikolla pranon se ka marrë kritika konstruktive nga mësuesit dhe i ka vlerësuar ato për të përmirësuar punën në ministrinë e arsimit. Gjithashtu, ministrja Nikolla u ka kërkuar ndjesë për atë që duhej bërë, por që qeveria akoma nuk ka arritur ta bëjë, në sistemin parauniversitar.
