Ministria e Kulturës ka nisur një fushatë informimi dhe konsultimi për Bonusin e Rijetësimit. Kjo është njoftuar nga ministrja Elva Margariti, që thotë se bonusi i vjen në ndihmë banorëve.
Pas prezantimit në Gjirokastër, do të vijohet edhe në qytete të tjera. Gjirokastra ku ishte së fundmi ministrja Elva Margariti, nga specialistë të fushës është pohur se ka probleme jo pak si qendër historike.
Disa kohë më parë, Bonusi i Rijetësimit u prezantua në Berat. “Prezantuam në Gjirokastër Bonusin e Rijetësimit, nismën e Ministrisë së Kulturës për të mbështetur banorët e Qendrave Historike.
Një nismë që kërkon kontributin e drejtpërdrejtë të komunitetit, dhe vullnetin për të ndryshuar faqen e qyteteve tona. Ky Bonus, që do të jepet në formë granti për mirëmbajtje dhe rijetësim të objekteve në këto qendra, me shuma nga 1-5 milionë lekë, vjen bashkë me një paketë mbështetëse të qeverisë në #kulturë, #agroturizëm, #infrastrukturë, me vizionin për një zhvillim ekonomik të qëndrueshëm”.
