Ministria e Financave në një relacion që i paraqet qeveria Kuvendit, zbulon se thatësira që mbizotëroi në verën e këtij viti, pritet të jetë rrisku dhe për vitin 2018, duke ngritur shqetësimin se rënia e prodhimit të energjisë në vend, do detyrojë OSHEE-në, të importojë energji me çmim më të lartë.
Dobësimi I sektorit të energjisë nga kushtet metorologjike në vend, është dhe faktori kryesor i riskut.
Qeveria sqaron se në kushtet e një situate të tillë negative, kyvulenerabilitet efektiv shkakton një efekt domino në tëgjithë operatorët e sektorit, duke pasur një ndikim të ndjeshëm në situatën financiare te secila nga këto kompani, vihet në pikëpyetje dhe vazhdimësia e të gjitha masave të ndërmarra në kuadër të reformës për rimëkëmbjen energjitike.
Situata e pafavorshme financiare e OSHEE sh.a gjatë gjysmëssë dytë të vitit 2017, e kushtëzuar nga kushtet e vështira klimaterike të thatësirës së tejzgjatur, mund të rishfaqet gjatë vitit 2018 shprehet Ministria e Financave, raporton Monitor.al.
Kjo nuk është hera e pare që mungesa e prodhimit vendas të energjisë ka prodhuar rreziqe fiskale që kanë sjellë rritje të borxhit publik, për shkak të detyrimeve të sektorit energjitik. Kriza e prodhimit të energjisë çon në një tkurrje të ekonomisë.Kjo tkurrje e ekonomisë do të cojnë në shkurtim të planit të investimeve nga OSHEE, dhe kjo përkthehet në më pak punë për bizneset, të cilat vitet e fundit fondet e marra nga OSHEE i kanë përdorur organizimin e tenderave me qëllim rikonstruksionin e linjave dhe nënstacionev eenergjitike në të gjithë hapësirën e vendit.
Shpenzimet për importin e energjisë elektrike u shumëfishuan këtë vit për shkak të thatësirës. Që nga muaji qershor kur filluan importet jo të zakonta për shkak të rënies së nivelit të baseneve OSHEE ka shpenzuar rreth 100 milionë euro për blerjen e energjisë jashtë vendit.
