Ministria e Arsimit dhe Sportit ka konstatuar përfshirjen e disa drejtuesve e punonjësve arsimorë në fushatën elektorale, duke ushtruar presion në forma të ndryshme tek nxënësit dhe mësuesit dhe është duke bërë verifikimet e duhura mbi bazën e përcaktimeve ligjore.
Sipas njoftimit për shtyp, bëhet më dije se:
-Përgjegjëse e Zyrës Arsimore, Kurbin, znj. Majlinda Shalsi- Cara
-Përgjegjës i Zyrës Arsimore, Gramsh, z. Xhevit Dermyshi
-Përgjegjës i Zyrës Arsimore, Has, z. Selman Qema
-Mësuese në gjimnazin “Ibrahim Rrugova” Tiranë, znj. Arjana Metaliaj
-Mësues në gjimnazin “Asim Vokshi”, në Bajram Curri, z. Afrim Brahaj
-Përgjegjëse e Zyrës Arsimore, Bulqizë znj. Bedrie Manjani
Po ashtu, thuhet se Manjani përveç pjesëmarrjes në fushatë në kundërshtim të plotë me përcaktimet ligjore, ka bërë presion të hapur ndaj mësuesve për përfshirjen e nxënësve në fushatë elektorale gjatë orarit mësimor (10:00 – 13:00)
Gjithashtu, Ministria e Arsimit dhe Sportit do të vijojë monitorimin e të gjithë institucioneve për të garantuar respektimin e të drejtave politike të nëpunësve civilë si dhe zbatimin e përpiktë të përcaktimeve ligjore.
Nga ana tjetër, Drejtoresha e Departamentit të Administratës Publike, Albana Koçiu deklaroi se jashtë orarit zyrtar të punës dhe jashtë godinës së punës cdo punonjës i administratës mund të marrë pjesë në fushatë nëse ka dëshirë.
