Ministri serb i EKonomisë, Goran Kneźević ka marrë pjesë sot në Asamblenë e Përgjithshme të Dhomës së Tregtisë dhe Industrisë Shqipëri-Serbi, e cila u mblodh sot në Tiranë.
Gjatë fjalës së tij, ministri serb pohoi se të gjitha sfidat politiko-ekonomike mes dy vendeve duhet të zgjidhen me dialog, ndërsa theksoi rëndësinë e bashkëpunimit sa më të mirë ekonomik mes dy shteteve.
Kneźević u shpreh optimist që marrëdhëniet dhe bashkëpunimi ekonomik mes dy vendeve të jetë sa më i mirë. Goran Kneźević nënvizoi faktin se Serbia është ndër 15 vendet më të mira për biznes.
“Duhet t’i zgjidhim me dialog sfidat politiko–ekonomike. Ndaj bashkëpunimi ynë ekonomik duhet të jetë sa më i mirë. Serbia është ndër 15 vendet më të mira për biznes”, tha Kneźević.
