Ministri i Mbrojtjes së Serbisë, Zoran Gjorgjeviç, i shoqëruar nga zv/komandanti i Shtabit, gjeneral Sllavoljub Janiqeviç, kanë vizituar forcat ushtarake të angazhuara në mbrojtjen e kufirit shtetërorë me Maqedoninë.
Gjatë vizitës në objektin “Cakanoci” në Preshevë, Komandanti i Forcave të Armatosura të Serbisë, gjenerali Dejan Jankoviç ka informuar ministrin e Mbrojtjes se gjendja në të gjitha sektorët është në rregull.
Sipas tij, forcat e sigurisë kanë ndaluar kalimin e kufirit të 21.000 mijë emigrantëve dhe janë arrestuar 140 trafikantë.
“Situata e sigurisë është e qëndrueshme dhe nuk ka asnjë rezikshmëri për pronat dhe qytetaret tanë”, ka thënë Gjorgjeviç.
