Kryeministri i Kosovës, Isa Mustafa, ka pritur në një takim ministrin e Jashtëm gjerman, Sigmar Gabriel.
Pas takimit, teksa dolën në një konferencë për shtyp, Gabriel dhe Mustafa e konsideruan si të rëndësishme marrëdhënien mes shteteve.
Kryediplomati Gabriel u shpreh i gatshëm për përkrahjen e shtetit gjerman ndaj Kosovës, si dhe bëri thirrje për ndalimin e provokimeve në rajon.
“Gjermania e ka njohur Kosovën herët dhe kjo na shtyn ta përkrahim më tej. Kosova dhe Gjermania kanë një lidhje të fortë miqësore. Bëj thirrje që të ndalohen provokimet në rajon. Dialogu me Serbinë është e vetmja alternativë. BE është e hapur për vendet e Ballkanit Perëndimor, ndërsa demarkacioni mbetet kusht për liberalizimin e vizave”, tha ndër të tjera Gabriel.
