Skënder Hyseni, ministër i Punëve të Brendshme në Kosovë, ka udhëtuar për një vizitë pune në Amerikë, ku ka marrë mbështetjen e plotë për anëtarësimin e Kosovës në INTERPOL.
Hyseni zhvilloi disa takime me përfaqësues të përhershëm të disa shteteve anëtare të OKB-së.
Mësohet se në fokus të takimeve është anëtarësimi i Kosovës në mekanizma, institucione dhe organizata ndërkombëtare të bashkëpunimit në fushën e rendit dhe ligjit, përkatësisht bashkëpunimit policor.
Në njoftimin e Ministrisë së Punëve të Brendshme të Kosovës thuhet:
“Kryesisht bisedat janë përqendruar në sigurimin e përkrahjes për anëtarësimin e Kosovës në INTERPOL, e që pritet të votohet gjatë Asamblesë së Përgjithshme në shtator. Dje ministri Hyseni, i shoqëruar edhe nga Shefja e Misionit të Kosovës në New York, Teuta Sahatqija, në takime të veçanta ka takuar dhe biseduar me Përfaqësuesin e Përhershëm të Uruguajit në OKB, ambasadorin Elbio Rossi, pastaj me ambasadorin e Etiopisë Tekeda Alemu, atë të Bangladeshit, Masud Bin Momen, dhe me ambasadorin e Senegalit, Fode Seck”.
