Ministri i Jashtëm gjerman, Sigmar Gabriel, është takuar sot me ministrin e Jashtëm shqiptar, Ditmir Bushati.
Gjatë fjalës së tij, Gabriel dënoi bojkotimin e zgjedhjeve, ndërsa tha se nuk e kuptonte këtë qëndrim të opozitës.
Ministri gjerman i dërgoi një mesazh opozitës shqiptare, së cilës i kërkoi që të linte rrugën e bojkotit, përndryshe integrimi i Shqipërisë në BE do të vështirësohet.
“Çfarë interesi duhej të kishte një komuninet ndërkombëtar për të penguar luftën ndaj korrupsionit? Cili është interesi në këtë mes? Do mbërrinit në rezultatin që nuk ka asnjë interes. Vonesa e reformës në sistemin e drejtësisë i bën dëm vendit. Të gjendet një rrugë për të lënë rrugën e bojkotit dhe të arrihet në zgjedhje. Askush nuk e kupton pse kërkohet dorëheqja e një qeverie. Opozita nuk e dëshiron këtë qeveri në pushtet, dhe kjo është dicka normale, por që të arrihet në këtë pikë, kjo nuk është e kuptueshme.
Kush e qeveris vendin, është vendimmarrja e shqiptarëve. Sabotimi i shtetit ligjor për ne nuk është në interesin e integrimit të Shqipërisë në BE.
Bojkoti nuk është i pranueshëm. Interesat e qytetarëve nuk kanë qenë në interes të politikanëve. Kërkojmë të respektohet Kushtetuta dhe qeveria.
Nëse parlamenti vazhdon të bllokohet dhe reforma në drejtësi bllokohet, rruga e integrimit do të jetë më e vështirë dhe jeta e qytetarëve shqiptarë do të vështirësohet.
Gjendja të ndryshohet me zgjedhje, jo me bojkot.”
