Një grup protestuesish të cilët ndodheshin para Kuvendit, kanë bllokuar rrugën dytësore, duke mos lejuar deputetët të largohen. Tentativat e deputetëve duken si të dështuara, pasi ata nuk lejohen nga blloku që kanë krijuar protestuesit.
Pas tensioneve në Kuvend, ku kryeministri Rama u qëllua me vezë nga deputeti Endri Hasa, seanca plenare u shty për në orën 18:00 të pasdites.
Teksa kanë dalë nga seanca plenare e cila u spostua për pasdite, ata janë përballur edhe me fyerje të njëpasnjëshme, ku më e përdorura ishte “hajdutë”.
