Milinkoviç-Savic: Manchester United? Jam i lumtur tek Lazio

Mesfushori i Lazios, Sergej Milinkoviç-Savic ka ngjallur interesin e Manchester United dhe skautët e këtyre të fundit janë hedhur në sulm për të nisur bisedimet mes tyre. Reprezentuesi serb ka dalë si një person kyç në mesfushën e Lazios këtë sezon. Pas tij veç United janë vënë edhe Chelsea, Barcelona dhe Monaco, por ai është shprehur se është i lumtur në kryeqytetin italian dhe se nuk mendon të largohet. Në ndeshjen e fundit Milinkovic shënoi dy gola në barazimin 3-3 me Atalantën.

Milinkoviç-Saviç, 22 vjeç, tha për Mediaset Premium: “Unë luaj për Lazion dhe jam i lumtur këtu. Këta janë dy gola të rëndësishëm, por luaj për Lazion dhe nuk më intereson kush vjen për të më shikuar”. Milinkoviç-Saviç operon në qendër të mesfushës, por deri tani ka shënuar pesë gola këtë sezon.