Gjenden të vdekur në banesën e tyre në Toronto të Kanadasë, miliarderi së bashku me gruan e tij. “Një miliarder kanadez dhe gruaja e tij janë gjetur të vdekur në shtëpinë e tyre në Toronto në rrethana që policia e përshkroi si “të dyshimtë”- raporton BBC.
Sipas saj, trupat e Barry Sherman dhe gruas së tij Honey u gjetën në bodrum nga një agjent i pasurisë, thanë njoftimet.
Sherman ishte themeluesi dhe kryetari i gjigantit farmaceutik Apotex, i cili ka tregun e tij te medikamenteve në të gjithë boten. Ai ishte një nga burrat më të pasur të Kanadasë dhe një filantrop i shquar.
Nga kontrolli në banesë, sipas policisë nuk kishte asnjë shenjë se e të kanë hyrë persona me dhunë, apo dhunim tjetër të pronës. Mediat vendase njoftuan se hetuesit nuk po kërkonin për një të dyshuar në këtë kohë.Detektivi Brandon Price i tha transmetuesit kanadez CBC se hetuesit ishin ende duke u përpjekur për të zbardhur ngjarjen.
“Unë jam i shokuar dhe nuk kam fjale,” tha ministri i Shëndetësisë i Ontario, Eric Hoskins në një postim në Twitter. “Miqtë e mi të dashur Barry dhe Honey Sherman janë gjetur të vdekur. Njerëz të mrekullueshme, filantropë të pabesueshëm, liderë të mëdhenj në kujdesin shëndetësor”, thuhet për ta. Senatorja Linda Frum deklaroi “Komuniteti ynë është i zhytur në pikëllim. Unë jam zemërthyer,” tha ajo. TIRANA TODAY
