Sipërmarrësi britanik Richard Branson planifikon të nisë anijen e tij kozmike në hapësirë të dielën, duke mposhtur miliarderin tjetër Jeff Bezos me nëntë ditë. Branson planifikon të niset në ‘VSS Unity’ me pesë astronautë të tjerë të tërhequr nga një aeroplan transporti nga aeroporti hapësinor komercial ‘Spaceport America’ në shtetin amerikan të Neë Mexicos.
Aeroplani nënë duhet ta lëshojë anijen në një lartësi prej rreth 15 kilometrash. Prandaj anija kozmike synon të përshpejtojë me shtytjen e vet më shumë se tre herë shpejtësinë e zërit dhe të arrijë një lartësi prej mbi 80 kilometra para se të kthehet në Tokë pas disa minutash.
Qëllimi i Branson, por edhe themeluesit të Amazon Jeff Bezos dhe CEO-s së Teslas Elon Musk, është të hyjnë në biznesin e turizmit hapësinor. Bezos dëshiron të fluturojë më shumë se 100 kilometra mbi Tokë me raketën e tij më 20 korrik.
