Milani pasi ndërroi presidencën ka bërë disa investime të rëndësishme duke afruar lojtarë të fortë. Por duket se plani i kuqezinjve është që të sjellin në skuadër “top-player” dhe këtë po e mendojnë që ta bëjnë në merkaton e janarit. Drejtuesit kuqezinj po mendojnë që në janar të firmosin me yllin spanjoll të Chelsea, Cesk Fabregas.
Fabregas i mbaron kontrata verën e ardhshme me klubin londinez, Chelsea dhe duket se rinovimi nuk është duke u diskutuar dhe ai mund të largohet. Plani i Leonardos dhe I Maldinit është i qartë, që të afrojnë lojtarin në janar për tu ambientuar sa më mirë me kampionatin dhe ekipin,m e në sezonin e ri ti ketë ai në dorë çelësat e mesfushës.
Këtë sezon Fabregas është i projektuar si zëvendësues, pas ardhjes së Kovaçiç dhe Jorginho gjatë verës. Për më tepër mesfushori spanjoll është i dëmtuar dhe në këto javë të para ai ka qëndruar jashtë fushave të lojës. Cesk është bashkuar me Chelsea, pas largimit nga Barcelona, ku ai nuk e fitoi duelin me yjet katalanas dhe zgjodhi të largohej.
