Milani në “katër rrugët”, manjati rus mund të jetë shpëtimtari

Momentalisht ekipi i Milanit me në krye kinezët është në “katër rrugët”. Kjo pasi UEFA ka vendosur sanksione të rënda në dëm të tyre dhe të ashtuquajturit miliarderët kinezë nuk kanë asnjë mundësi që ta shpëtojnë. Por duket se dhe fondi amerikan “Eliot” që i ka dhënë shumë borxhe klubit kuqezi nuk është i interesuar që të mbajë klubin kuqezi dhe e ka nxjerrë menjëherë në shitje.Për të blerë aksionet e klubit kuqezi është i interesuar edhe një manjat rus, bëhet fjalë për Dimitrij Rybolovlev një emër i njohur në botën e futbollit. Biznesmeni i fuqishëm rus ka në pronësi klubin e Monacos në Francë dhe siç raporton Sky Sport është i gatshëm të blejë një pjesë të aksioneve të Milanit. Rybolovlev arriti ta merrte Monacon në një situatë shumë kritike dhe në vetëm pak kohë e ngriti klubin nga Principata në majat e futbollit francez dhe atij europian.