Milan është duke bërë një revolucion në menaxhimin e skuadrës, teksa drejtuesit kërkojnë të rikthejnë skuadrën te suksesi e mbi të gjithë në Champions League. Në këtë mes nuk do të shpëtojë as pozicioni i trajnerit Stefano Pioli.
Prej disa kohësh flitet se pasardhësi i tij në stolin e kuqezinjve do të jetë Ragnik, një teknik që më parë ka pasur eksperiencë në Bundesligë. Megjithatë, sipas mediave italiane, Milan po mendon edhe për Luciano Spalletti, i cili është i papunë prej momentit kur u largua nga Inter.
Në fakt, kuqezinjtë janë interesuar edhe më herët për Spalletti, por tashmë mund të jetë momentin i duhur për t’u bashkuar. Mbetet për t’u parë si do rrjedhin ngjarjet, me Milan që nuk humbet kohë për të punuar mbi të ardhmen edhe në këtë moment të vështirë prej koronavirusit.
