Pas ndërrimit të presidencës tek Milani kanë filluar ndryshimet e mëdha. Radhën për tu larguar e ka drejtori sportiv, Massimiliano Mirabelli, që pritet vetëm zyrtarizimi në orët e ardhshme. Në shtëpinë e kuqezinjve janë duke menduar emrin e pasuesit që me shumë mundësi do të kërkohet shqiptari Igli Tare.
“La Gazzetta dello Sport” ka shpjeguar se përveç kandidatëve si Giuntoli dhe Sogliano për të marrë këtë post është edhe Igli Tare. Ky i fundit mban postin e drejtorit sportiv tek Lazio aktualisht dhe duket mjaft e vështirë që të shkëputet nga lacialët.
Ai është duke bërë një punë mjaft të mirë dhe ka marrë shumë çmime nga media të ndryshme. Po ashtu ka bërë zbulime të mëdha, lojtarë që janë marrë për një shumë të vogël dhe më pas kanë sjellë në arkat e klubit shumë të mëdha. Igli Tare u shpall drejtori më i mirë sportiv në sezonin 2017-2018 në Itali.
