Fjalët e dashurisë të shprehura për Milanin ditët e fundit kanë ringjallur shpresat e tifozëve, por e ardhmja e Gigio Donnarumma duket shumë larg Milanit. Me kontratën që i skadon në 2021, portieri duket shumë larg rinovimit dhe ekipet mëdha në Evropë kanë filluar të lëvizin. Juve, Real dhe Psg e kanë ndjekur prej kohësh dhe tani zëra të rëndësishme vijnë nga Anglia:
Sipas ‘Sunday Express‘, në fakt, drejtuesit e Chelsea kanë vensosur të nxjerrin në shitje potierin Kepa për të financuar blerjen e një portieri të ri dhe zgjedhja do të binte drejt te Donnarumma. Kontaktet me Mino Raiola tashmë kanë filluar dhe klubi i ka kërkuar agjentit t’i mbajë të informuar për çdo zhvillim. Paratë, shkruan tabloid, nuk janë një problem për Chelsea, i cili edhe falë largimit të Kepa do të ishte i gatshëm të kënaqë kërkesat e kuqezinjve deri në 60 milion euro.
