E ardhmja e Cristiano Ronaldos është akoma në diskutim edhe pse Perez ka vendosur që ti rinovojë kontratën në verë deri në mbyllje të karrierës. Për aq kohë sa kjo nuk ka ndodhur, ylli portugez është nën lupën e disa ekipeve të cilat kërkojnë ta kenë në anën e tyre, por ajo që do ta bindte Ronaldo është që të bëhet lojtari më i paguar në botë.
Boksieri Floyd Mayweather ka habitur tifozët e futbollit. Ai deklaroi se mund të bëhet pronar i Newcastle United dhe se do të përpiqet që të blejë Cristiano Ronaldon nga Reali.
“Kam njohur disa nga lojtarët e Newcastle vitin e kaluar dhe janë djem të mirë. Unë jam gjithmonë i hapur kur vjen puna te mundësitë për të bërë biznes dhe dashuroj çdo sport. Por, nga ana tjetër, investoj me tru dhe jo me zemër”, është shprehur Mayweather.
“Cristiano Ronaldo është miku im prej shumë vitesh dhe mund ta bind që ta mbyllë karrierën te Newcastle”, shtoi ish-boksieri.
