Mike Tyson i tregon Seferit si të mposhtë Furyn: Ndiq rrugën time

Mike Tyson vetëm pak ditë para se të zhvillohet dueli mes Tyson Fury dhe Sefer Seferit në Manchester, ka zbuluar disa sekrete se si mund ta kthejë në një ferr duelin për Furyn. Ky i fundit rikthehet pas një shkëputje dy vite e gjysmë për shkak të depresionit, drogës dhe dënimit të dopingut duket se është favoriti i madh në letër. Këtij dueli i jep një këndvështrim edhe një prej më të mëdhenjve të këtij sporti. “Tyson Fury më pëlqen, jo vetëm për shkak të emrit të tij”, thotë legjenda e kategorisë së rëndë, Mike Tyson për Blick.ch.Legjenda amerikane ka përvojë në luftëra të tilla. Ka 16 duele për titull të kampionit në karrierë, duke humbur titullin, e duke e rikthyer sërish. Me burg, gjykime, borxhe, drogë dhe seks skandale, Tyson i kishte të gjitha problemet e mundshme gjatë jetës e karrierës. Dhe për këtë, pikërisht ai e di se sa e vështirë është kthimi në ring pas një kohe të gjatë.“Kur ai ta ketë kokën e tij sërish nën kontroll, atëherë mund të llogaris atë”, thekson Mike Tyson. Por, a mund ta godasë atë Seferi? Mike Tyson dha recetën kundër Furyt falas për shqiptarin. “Duhet të qëndrojë agresiv, nga fillimi duhet ta sulmojë”, thotë Tyson, tipike për të, duke ditur se pikërisht me këtë stil ai u bë si njeriu më i frikshëm i planetit, kuptohet në kohën e tij të artë.Kjo nuk mund të konsiderohet taktikë e keqe për t’ia vështirësuar ndeshjen njeriut 2.06 metra të gjatë, i cili ka përparësi gjatësinë, peshën dhe gjatësinë e krahut. Por, realizimi i një taktike të tillë agresive nuk është e lehtë. Ishte pikërisht Mike Tyson i shkëlqyer në këtë lloj boksi agresiv, pasi që pikërisht ai me gjatësi prej vetëm 1,78 me agresivitetin e tij bëri që të tjerë boksierë më të gjatë t’i frikësohen.Por, ndoshta Sefer Seferi mund të marrë këshilla edhe nga vëllai i madh i tij Nuri Seferi. Të mos harrojmë, Nuri e ka edhe pseudonimin e famshëm që ndërlidhet me Tysonin e madh, pasi e ka quajtur veten “Tysoni shqiptar”.