Në prag të ndeshjes me Partizanin e Beogradit, në konferencën për shtyp ka folur edhe mbrojtësi fierak, Glendi Mici. Ai është kthyer në një lojtarë kyç për Skënderbeun. Sa i përket ndeshjes që do të zhvillohet të enjten në mbrëmje ai beson që do të arrijnë një rezultat pozitiv. Ne dëshirojmë që të futemi në histori duke kaluar fazën e grupeve, jemi të përqendruar tek ekipi jonë dhe do përpiqemi të bëjmë sa më pak gabime.
“Atmosfera në skuadër është mjaft e mirë. Bashkë me trajnerin e kemi analizuar kundërshtarin. Është ndeshje e vështirë por ne do të japim maksimumin për të marrë tre pikët. Mendoj se në minutat e fundit nuk pati diçka serioze. Është pjesë e lojës ku dhe loja ndikon. Një karton në minutat e fundit nuk është problem i madh. Nesër të jemi të përqendruar te futbolli dhe të bëjmë sa më pak gabime”, sqaroi fieraku për kartonin e verdhë të marrë në ndeshjen e fundit në grup që përkon kundër Partizan.
“Ne jemi të përqendruar te ndeshja jonë që të marrim rezultat pozitiv për të mbajtur gjallë shanset tona. Pas kësaj ndeshjeje do të shohim dhe rezultatin e Dinamo Kiev”, tha mbrojtësi i majtë i Skënderbeut përsa i përket objektivit kryesor, kalimi i grupit.
