Fitorja e Ermal Metës në festivalin e këngës italiane “Sanremo”, është shoqruar me reagime dhe urime të shumta si brenda ashtu edhe jashtë Shqipërisë. Kështu, nuk kanë munguar edhe komentet e politikanëve të cilët e kanë quajtur fitoren e tij, si frymëzim për të rinjtë shqiptarë.
Ndërkohë akademiku Artan Fuga me anë të një postimi në rrjetin socila Facebook, ka shkruar se nuk është e udhës që ta politizojmë fitoren e Metës, pasi sipas tij, kjo rezulton të kthehet si një vlerë kundër Shqipërisë dhe shqiptarëve.
Ndërsa profesor Fuga shkon më tej ku shkruan se “Po edhe kur është koha për t’i thënë shëndet vetes, i them plaç”.Ermal Meta do të përfaqësojë Italinë në Eurovizion, ndërsa kësaj herë, do të ketë ndjekës të shumtë jo vetëm nga Shqipëria dhe rajoni, por mbështetja e tij do të rrëmbejë të gjithë diasporën shqiptare.
Statusi i plotë
San Remo dhe dhunë shqiptare
Ore edhe për këtë çunin që fitoi në San Remo, do ta politizojmë dhe duke mos e lënë rehat, do ta kthejmë si vlerë kundër Shqipërisë.
Se paska pasur pas babë të dhunshëm;
O Zot, përsëri e përsëri do të nënkuptohet se në origjinë ka dhunë atërore si gjenetikë shqiptare, dhe ka krijimtarinë si forcë italiane?
Po edhe kur është koha për t’i thënë shëndet vetes, i them plaç.Po çfarë hyn baba i dhunshëm këtu? Lëre për ndonjëherë tjetër.Se edhe kur të hipi në Eurovizion prezantuesit do t’i thonë botës mbarë ja ky që ka lindur nga egësirat shqiptare, nga bishat, dhe Europa e bëri njeri!
Që na plaçin sytë na plaçin.
