Presidenti Ilir Meta ka kritikuar kryeministrin Rama lidhur me komunikimin arrogant të tij me pedagogët.
Këtë deklaratë, presidenti e bëri në mënyrë jot ë drejtpërdrejtë, duke thumbuar Ramën, teksa tha se “komunikimi arrogant nuk na ndihmon për të jetësuar reformat”.
Në analizën vjetore të Kontrollit të Lartë të Shtetit, Meta deklaroi se standardet e autonomisë universitare dhe lirive akademike janë jetike për demokracinë, ndërsa më pas u ndal edhe tek performanca e KLSH-së:
“Standardet e autonomisë universitare dhe lirive akademike janë jetike për demokracinë. Sfidat e arsimit të lartë kërkojnë reflektim pozitiv dhe jo arrogancë. Komunikimi arrogant nuk na ndihmon për të jetësuar reformat.
Performanca e qëndrueshme e KLSH, ndikim në rritjen e cilësisë së qeverisjes ndër vite. Ruajtja e integritetit të KLSH mbetet një sfidë e rëndësishme. Ka një domosdoshmëri për të rikthyer besimin tek institucionet publike dhe vendimmarrjen e tyre. Shpreh mbështetje për institucionin dhe veprimtarinë audituese të KLSH”.
