Presidenti i Republikës, Ilir Meta i është kundërpërgjijgur deklaratave të kryeministrit Edi Rama, se ai takon në Vlorë subjekte të OFL-së.
Nga Fieri, Meta u shpreh se Rama i shërben mafias ndërkombëtare. Gjatë fjalës së tij për gazetarët, Kreu i Shtetit tha se në 25 Prill çdo gjë dhe kushdo mund të bëhet kurban.
Ndër të tjera, Meta u shpreh se do të vazhdojë të jetë në Vlorë dhe do bëjë gjithçka për të garantuar zgjedhje të lira.
Ilir Meta: Së pari ka pasur vaksina plot në pritje. Ai nuk ka këtë shqetësim. AlbControll ka pasur 10 muaj që ka bërë kërkesë. Marrjen e ushtrisë e bëri për të treguar se mund të bëjë çdo gjë. Në zgjedhjet e vitit 2017 Ilir Meta nuk ishte president. Tani Ilir Meta është president. Presidenti është ushtari i parë i Republikës. Mos të provokojë Vlorën.
Ai është mësuar të korruptojë burra që turpërojnë edhe fjalën nga hallet dhe pamundësitë, burrat me vese që turpërojnë familjet e tyre por duhet ta dijë që më 25 Prill do e marrë përgjigjen nga vajzat dhe nënat shqiptare që nuk duan më të jetojnë në një vend të mrekullueshëm me qytetarët e botës që kërkon të sjellë Edi Rama dhe kërkon t’i largojë prapë pasi të mësojnë gjuhën shqipe, për të cilën jemi krenarë.
Fajin na e ka Edi Rama që i shërben mafies ndërkombëtare. Në 25 Prill çdo gjë dhe kushdo mund të bëhet kurban. Presidenca do jetë kudo por në radhë të parë në Vlorë, se është qendër e gjithë shqiptarëve dhe meriton të japë shembullin e standarteve të zgjedhjeve”.
