Kreu i LSI-së, Ilir Meta, është shfaqur në krahë të kreut të Bashkisë së Tiranës, Erion Veliaj, teksa kanë inspektuar punimet për rrugët në Zall-Herr.
Meta foli me superlativa për Veliajn, ndërsa tha se ai ka bërë punë shumë të mirë në këto dy vite.
“E falënderoj shumë Erionin për këtë frymë që ka, jo vetëm si koalicion, por edhe në lidhje me qytetarët. Unë nuk jam kaq modern sa lali Eri, por e falendëroj për punën e mirë që ka bërë këto dy vite, e cila është e dukshme. Shumë reforma s’do realizoheshin nëse nuk do ishim bashkë, ne do të korrigjojmë mangësitë tona.
Ka kryetarë bashkish, nuk dua të përmend emra, që kujdesen vetëm për ato që duken, jo për ato që nuk duken.
Ju uroj mbarësi, suksese. Dua t’i jap dorën lali Erit për këtë punë të mrekullueshme që ka bërë.”
I pyetur për presidentin e ardhshëm, Meta tha që nuk ka një emër konkret, ndërsa shton se zgjedhja e tij do të bëhet me konsensus.
Ndërsa për opozitën, kreu i LSI-së u shpreh se të gjithë duhet të marrin pjesë në zgjedhje.
