Ilir Meta tha sot se po lodhet për mirëqenien e familjeve shqiptare dhe se duhet zgjidhur sa më parë kriza politike.
Kreu i LSI-së i shfaqi përpjekjet e palodhura gjatë një ndeshjeje volejbolli, e organizuar nga të rinjtë e Lëvizjes Rinore për Integrim të Durrësit, në Kepin e Rodonit.
“Përpjekjet tona janë të palodhura që vendi të ecë i sigurt në rrugën e stabilitetit të demokracisë të forcimit të institucioneve dhe njëkohësisht edhe të forcimit të ekonomisë dhe të mirëqenies së gjithë familjeve shqiptare. Është shumë e rëndësishme që këtë konflikt absurd politik ta zgjidhim jo një ditë e më parë, por një orë e më parë. Sepse çdo orë që kalon në pasiguri dhe në drejtime të paditura, të pakontrollueshme, të pa menaxhueshme sjell më shumë pasiguri për sipërmarrjen vendase dhe për investitorët e huaj në vend dhe sjell një frenim të hapjes së vendeve të reja të punës”, u shpreh kryetari i LSI-së.
