Presidenti Ilir Meta ka firmosur dekretin për shkarkimin e ministrit të Brendshëm, Fatmir Xhafaj.
Ky i fundit i dorëzoi Ramës dorëheqjen e tij si ministër. Dorëheqja dukej se ishte përgatitur qysh të enjten, por është bërë publike vetëm sot me anë të një postimi në Twitter.
Në vend të Xhafajt, Rama ka çuar në Presidencë emrin e Sandër Lleshit si ministër të ri të Brendshëm. Ndërkohë, dekreti për emërimin e Lleshit nuk është firmosur ende. Nuk dihet nëse presidenti Meta do ta firmosë emërimin e Lleshit, si ministër i Brendshëm.
