Kryetari i Kuvendit, Ilir Meta deklaroi, pas takimit që zhvilloi me partitë parlamentare, në Kryesinë e Kuvendit, se opozita nuk po demonstron vullnet për zgjidhjen e krizës politike.
“Për të ardhur keq që nuk demonstrohet vullneti dhe që opozita flet për ultimatume. Janë bërë disa hapa të rëndësishme nga ana e mazhorancës për të krijuar një klimë sa më konstruktive besimi, por kuptohet se opozita ka një axhendë të saj që nuk i shërben procesit dhe vetë opozitës”, tha Meta.
Po ashtu, Meta në përfundim të fjalës së tij para kamerave, u shpreh se sa i përket kodit zgjedhor, ai është një kod i mallkuar, që në vitin 2008, dhe kërkon të mbajë në errësirë edhe tani zgjedhjet.
