Botërori i Rusisë ka qenë një zhgënjim total për Argjentinën dhe Lionel Messin në veçanti. Shpeshherë ai është sulmuar se bën përzgjedhjen e lojtarëve dhe ky është gabimi kryesor që kombëtarja “albicheleste” nuk ka sukses. Ndërsa një pjesë e tifozëve e akuzojnë atë se nuk është i njëjti me Messin që luan tek Barcelona, pasi nuk jep gjithçka nga vetja për bluzën e kombëtares.
Por në Rusi pas humbjes 3-0 ndaj Kroacisë ka pasur një debat të zjarrtë mes yllit të Barcelonës dhe trajnerit Sampaoli, ku disa lojtarë kanë kërkuar edhe shkarkimin e tij. Ndërkohë sot gazetari Ariel Senosiain ka bërë publik në librin e tij “Bota është histori” një nga debatet e ndodhura në kompeticionin e Rusisë.
Ai ka zbuluar atë që ndodhi në dhomat e zhveshjes ku Messi i drejtohet Sampaolit: “Më pyete 10 herë se cilin futbollist dëshiroja unë që të aktivizohej dhe se cilët lojtarë nuk doja. Dhe unë nuk të përmenda kurrë asnjë emër. Më thuaj para të gjithëve, a të përmenda ty ndonjë emër?”.
