Barcelona dështoi që të bindte Griezmann që të linte Atletico Madridin dhe të zhvendoseshe në “Camp Nou”, duke bërë që katalanasit të hulumtojnë një pistë tjetër. Mediat spanjolle kanë raportuar se Lionel Messi u ka thënë drejtuesve se Mohamed Salah është dëshira e tij për të plotësuar treshen e sulmit dhe me Luis Suarezin.
Kujtojmë që Messi ka impakt të drejtpërdrejtë në vendimmarrjen e drejtuesve të Barçës për lojtarët që shihen si objektiva prioritare të merkatos dhe Salah është i pari në shijet e tyre të preferencave. Duhet thënë se sulmuesi egjiptian është në formën më të mirë të momentit, pasi në Premier League, teksa fitoi Këpucën e Artë dhe shënoi në total 44 gola dhe konsiderohet si një nga pikat më të forta të skuadrës në Anfield.
Tashmë kartoni i tij është gjithmonë në rritje duke e bërë një lojtar që kushton më shumë se 100 milionë paund. Ndërkohë, pritet që klubi katalanas të bëjë një ofertë të madhe, duke i plotësuar dhe kërkesën që vjen nga Messi, për të sjellë në “Camp Nou” yllin egjiptian.
