Messi apo Maradona? Cili është më i miri në botë? Cili prej tyre vështron nga lart tjetrin? Kjo është dilema e madhe ekzistenciale e futbollit modern, që ka hapur një debat mes tifozëve dhe specialistëve të futbollit. Të gjithë kanë të preferuarin e tyre.
Dikush sheh si perëndinë e futbollit Maradonën, tjetri Messin. Por ai që ka vendosur t’i vërë kapak kësaj dileme të madhe, është as më shumë e as më pak por Sër Alex Ferguson. “Messi është më i mirë sesa Maradona.
Messi është shumë herë më mirë sesa Maradona dhe ndryshe nga yjet e epokës së kaluar (Pele dhe Maradona), mbrojtësit janë shumë të organizuar dhe bëjnë gjithnjë e më shumë për të justifikuar rrogat e tyre të larta,” ka thënë ish-trajneri i Manchester United.
