Një futbollist që shihej si e ardhmja e mesfushës së Francës, ka braktisur ‘Gjelat’ dhe ka zgjedhur të luaj për një kombëtare tjetër. Bëhet fjalë për Geoffrey Kondogbia, i cili ka zgjedhur që të luaj për vendin e origjinës së tij, Kongon, vend nga i cili janë prindërit e tij. 25-vjeçari, ish-futbollist i Interit në Itali dhe tashmë mbron fanellën e Valencias në Spanjë, e ka marrë vetë këtë vendim të rëndësishëm.
Kombëtarja afrikane është interesuar prej vitesh për lojtarin, por ai kishte refuzuar çdo herë kërkesat e tyre, pasi prioriteti i tij ishte kombëtarja e Francës. Kondogbia i ka kthyer përgjigje pozitive thirrjes së trajnerit afrikan Savoy, i cili e përfshiu në listën e të grumbulluarve për ndeshjet kualifikuese në Kupën e Afrikës.
Kujtojmë se Kondogbia ka zhvilluar pesw ndeshje miqësore me përfaqësuesen e Francës, dhe është përfitues i drejtpërdrejt i rregullores së re për të ndërruar fanellë dhe përfaqësuese. Republika e Afrikës Qendrore, aktualisht renditet e 108-ta në FIFA.
