Sot Policia e Shtetit publikoi listën e 12 personave më të kërkuar për qarkun e Gjirokastrës. Ai që kryeson në këtë istë është emri i Jani Aliajt, i dënuar me burgim të përjetshëm, por ende i lirë. Dënimi maksimal për të u dha nga Gjykata Penale e Tiranës, e cila e gjeti Jani Aliajn fajtor për vrasjen e Elton Çiços në vitin 2016, në një lokal në zonën e ish-bllokut.
Si ndodhi ngjarja
Jani Aliaj hyri në lokal me pistoletë në dorë, dhe iu drejtua menjëherë vendit ku Elton Çico ndodhej i ulur me disa persona të tjerë. Ai e qëlloi disa herë me pistoletë, duke i shkaktuar vdekjen e menjëhershme. Autori i krimit u largua me shpejtësi me një makinë, që sipas Prokurorisë drejtohej nga Renato Milloshi.
Pas mbledhjes së provave dhe dëshmive, Jani Aliaj u akuzua nga Prokuroria për “Vrasje me paramendim ne bashkëpunim, dhe armëmbajtje pa leje”. Por deri në fund ai u gjykua në mungesë, pasi arriti t’i shpëtojë ndjekjes.
Hakmarrja
Motivi i krimit sipas Prokurorisë ishte hakmarrja. Jani Aliaj dhe Elton Çiço kanë patur një konflikt të hershëm mes tyre, që nga koha kur kanë qenë të dy në një burg në Greqi. Më pas ata i kanë bërë njëri-tjetrit disa atentate, derisa Aliaj arriti të ekzekutojë Çiçon.
Grindjet në burg në Greqi
Grindjet midis dy personave të mësipërm kanë nisur gjatë kohës që viktima Elton Çiça dhe shtetasi Jani Alia kanë qenë duke vuajtur dënimin me burgim për vepra të ndryshme penale në burgun “Koridhalo” në Athinë, Greqi. Gjatë kohës së qëndrimit në shtetin grek, Jani Alia ka qëlluar me mjete prerëse, thikë, djalin e shtetasit Sh. B., me banim në fshatin Zhapokikë, Tepelenë, i cili si pasojë e goditjeve të marra ka ndërruar jetë.
Gjatë kohës që ka qenë duke vuajtur dënimin me burgim në lidhje me këtë ngjarje, shtetasi Jani Alia ka qëlluar me thikë duke e plagosur rëndë shtetasin Elton Çiça, po nga fshati Zhapokikë, Tepelenë, pasi ky i fundit kishte planifikuar të kryente vrasjen e shtetasit Jani Alia, si shenjë hakmarrjeje për vrasjen e “djalit të Sh.B.”.
Po gjatë kësaj periudhe kohore që ka qenë duke vuajtur dënimin në këtë burg, shtetasi Jani Alia ka goditur me sende të forta shtetasin A.B., nga Berati, i cili është nip në qytetin Memaliaj, ku dhe qëndronte për periudha të gjata kohore, ku për shkak të këtij fakti, shtetasi Elton Çiça dhe A.B. kanë pasur lidhje të ngushtë shoqërore.
https://tiranatoday.com/pjese-e-grupit-te-lazaratit-ja-kush-jane-12-me-te-kerkuar-te-gjirokastres/
