Belgjika ka zhvilluar një ndeshje të madhe përballë Panamasë duke fituar 3-0. Pas një pjese të parë mjaft të vështirë, në të dytën ndryshon gjithçka, belgët zhbllokojnë rezultatin me një perlë të Mertens dhe më pas nuk ndalen. Panamaja e nis me humbje debutimin e saj të parë në një Kupë Bote.
Në të 49’ është Mertens që mahnit tifozët belgë me një perlë, pasi kroson për Lukakun i kthehet sërish topi dhe nga një pozicion i vështirë godet fluturimthi duke dërguar topin në rrjetë.
Pas tij ishin dy golat e Romelu Lukaku-t që vulosën tre pikët e para për Djajtë e Kuq.
Ra në sy loja e bukur e evropianëve në pjesën e dytë pas golit të parë, Hazard dhe De Bruyne ishin gjatë gjithë kohës të rrezikshëm dhe me siguri ky është vetëm fillimi për djemtë e Martinez.
