Tyson Fury ka marrë “OK” nga anidopingu në vendin e tij (UKAD) dhe tashmë shumë shpejt mund të zbresë sërish në ring. Boksieri britanik ka përfunduar sot (12 dhjetor) dënimin dy vjeçarë që kishte marrë në 2016-ën, ku rezultoi pozitiv në përdorimin e kokainës.
Fury nuk ngjitet në ring që prej nëntorit të 2015-ës, kur mori titujt kampionë bote në peshat e rënda ndaj Wladimir Klitschko, por 7 muaj pas këtij dueli, në qershor të 2016-ës, ai u akuzua nga antidopingu britanik për përdorim të substancave të ndaluara. 29-vjeçari u vetëmbrojt duke thënë se bëhej fjalë nga ushqimi, pasi kishte ngrënë derr të egër.
Pas skadimit të suspendimit, Fury dëshiron të kthehet menjëherë në ring dhe të luftojë kundër kampionit aktual të peshave të rënda, Anthony Joshua.
“Anthony Joshua ku je djalosh? Po vij për ty, askush nuk mund të më bllokojë rrugën tani”, ka shkruar Fury në Twitter.
