Sot Greqia dhe Maqedonia nënshkruan marrëveshjen për emrin në Prespë. Marrëveshja në fjalë u firmos nga Ministrat e Punëve të Jashtme të dy vendeve, krerët e diplomacisë së dy vendeve, Nikolla Dimitrov dhe Nikos Koxias.
Të pranishëm në ceremoninë e nënshkrimit ishin edhe kryeministri grek, Aleksis Tsipras dhe ai maqedonas, Zoran Zaev, si dhe ndërmjetësuesi i OKB-së për çështjen e emrit, Methju Nimic, përfaqësuesja e lartë e BE-së, Frederika Mogherini, Eurokomisioneri për Zgjerim, Johanes Hahn.
Krerët e vendeve falenderuan ndërmjetësuesin e OKB-së dhe Bashkimin Evropian për mbështetjen e dhënë, për të arritur këtë marrëveshje historike.
Po ashtu palët shprehën bindjen se me zgjidhjen e çështjes së emrit, do të nisë një epokë e re dhe më e sigurt për të dy vendet.
