Në Brindisi më në fund është arrestuar një shqiptar, i cili ishte i shpallur në kërkim nga autoritete italiane. Ai është ndalur në provincën e Venecias. Ai ishte pjesë e një hetimi për trafikim droge, ku janë arrestuar edhe 14 persona të tjerë. Ai ishte i vetmi që kishte mundur t’i ikte karabinierëve me datë 18 korrik.
Bëhet fjalë për shqiptarin Korado Shahini, i datëlindjes 1994. Në apartamentin e tij, u gjetën tetë gram marihuanë, dokumente dhe tre telefona celularë, ku të gjitha këto materiale janë konfiskuar.
Korado u ndalua nga policia e San Vito dei Normanni, në bashkëpunim me kolegët nga San Dona ‘Di Piave, në afërsi të një bar: veshur civilë policët e kapën atë ndërsa ai ishte duke pirë kafe. Ata paraqitën dhe ekzekutuan urdhrin e arrestit të nënshkruar nga gjyqtari për hetime paraprake të Gjykatës së Brindisit Stefania De Angelis, me kërkesë të zëvendësprokurorit Simona Rizzo.
Burimi: brindisireport.it
Përshtati: Tirana Today
