Një kriminel shqiptar është kapur në periferi të Trevisos, pasi që nga viti 2009 kishte qëndruar në arrati. Ai kishte ndryshuar mbiemrin dhe emrin e nënës së tij për të humbur çdo gjurmë. Mbi të rëndon akuza e “shfrytëzimit të prostitucionit dhe posedimit të një arme”.
Ai u kap në një shtëpi në periferi të Treviso, pasi ndaj tij kishte një urdhër arrest të lëshuar nga Prokurori Publik në Gjykatën e Pordenone. I huaji, për t’iu shmangur policisë italiane përdorte një pasaportë të vërtetë të lëshuar nga autoritetet shqiptare ku kishte ndryshuar mbiemrin dhe emrin e nënës së tij. Pas hetimeve u bë i mundur identifikimi i identitetit të tij të vërtetë. Tani shqiptari është në burg.
Në tetor të viti 2009 ai u arrestua për shfrytëzimin e prostitucionit dhe posedimin e armëve, por ai u la i lirë për t’u hetuar. Më vonë ai më me një armë tip pistoletë kishte qëlluar ndaj një bashkatdhetari pasi ishin zënë për pazaret e tregtisë së madhe të kokainës.
Burimi: trevisotoday.it
Përshtati: Tirana Today
