Kancelarja e Gjermanisë Angela Merkel bëri thirrje për krijimin e një “ushtrie të vërtetë” evropiane.
Me këtë deklaratë të fortë ‘gruaja e hekurt’ del kundër presidentit amerikan Donald Trump, i cili kundërshtoi me forcë krijimin e një ‘Ushtri Evropiane’. Trump kundërshtoi me shumë bindje propozimin e presidentit francez Emmanuel Macron për një ‘Ushtri Evropiane’.
Presidenti amerikan argumentoj kundërshtinë e tij me faktin se Evropa e ka mbrojtjen nga NATO, organizatë ushtarake ku SHBA-të paguajnë mbi 50% të buxhetit.
Deklarata e fortë me Merkel largon akoma më shumë BE-në me SHBA-të, duke marrë në konsideratë dhe deklaratat e sotme të Trump.
https://tiranatoday.com/trump-macronin-i-jep-leksione-historie/
Merkel sqaroi se kjo ushtri do të jetë shtojcë e NATO-s dhe nuk do të përbëjë sfidë për të. Por krijimi i ushtrisë evropiane do të sjellë më pak fonde për blerjen e armatimeve amerikane dhe për NATO-n dhe kjo duhet se do të jetë pikënisje e një konflikti të ri me Uashingtonin.
Prestigjiozja britanike “Dailymail” shkruan se kancelarja u tha eurodeputetëve se krijimi i një “ushtrie të mirëfilltë dhe të vërtetë evropiane” duhet të jetë qëllimi përfundimtar i përpjekjeve të BE-së për të koordinuar më mirë shpenzimet e mbrojtjes dhe prokurimin, duke paralajmëruar se “ne si evropianë të vërtetë duhet të marrin në duar fatin tonë.”
Merkeli tha se një ushtri e përbashkët do të forconte përpjekjet afatshkurtra për të krijuar një ushtri të përbashkët për zhvillimin e operacioneve ushtarake.
Merkel thotë se kjo ushtri nuk do të sfidojë rolin e NATO-s dhe se do të ishte një “shtojcë e mirë” për marrëveshjen e ndërsjellë të mbrojtjes transatlantike. Kancelarja kërkoi gjithashtu më shumë koordinim mbi prokurimin e armatimeve dhe kërkoi një politikë të përbashkët evropiane mbi eksportet e armëve.
Ushtria evropiane duket se do t’i përkeqësojë marrëdhëniet me Uashingtonin. Presidenti amerikan, Donald Trump kritikoi sërish në Twitter propozimin e presidentit francez Emmanuel Macron për të krijuar një ushtri evropiane.TIRANA TODAY
