Paris Saint-Germain thuhet se do të mbyllë nënshkrimet me Sergio Ramos, Achraf Hakimin dhe Gianluigi Donnarummën brenda këtij muaji.
Skuadra e Mauricio Pochettinos besohet se është e gatshme t’i ofrojë ish-mbrojtësit të Real Madridit, Sergio Ramos, një kontratë dy-vjeçare, ndërsa 22-vjeçarët Hakimi dhe Donnarumma do të nënshkruajnë një kontratë pesë-vjeçare.
Ramos u largua nga Los Blancos pas 16 vitesh shërbim në fund të kontratës së tij më 30 qershor, pasi kishte bërë 671 paraqitje dhe shënuar 101 gola për klubin madrilen.
Sipas gazetarit Fabrizio Romano, ekzaminimet mjekësore të Ramos janë caktuar dhe të tre lojtarët do të nënshkruajnë marrëveshje me gjigandin francezë në korrik.
PSG shmangu konkurrencën nga klubet e tjera të mëdha evropiane për treshen, duke përfshirë Chelsean, i cili dëshironte të blente Hakimin nga Inter.
Donnarumma është vlerësuar shumë për paraqitjet e tij me Milanin dhe Italinë, duke bërë 251 paraqitje për Milanin që nga debutimi i tij në 2014-ën.
PSG tashmë ka nënshkruar me Georginio Wijnaldumin e Liverpulit dhe e ka kthyer huazimin e Danilo Pereiras nga Porto në blerje./Tirana Today
