Sulmuesi i Interit, Lautaro Martinez thuhet se nuk ka interes të transferohet tek Arsenali këtë verë.
23-vjeçari ishte subjekt i interesit të fortë nga Barcelona sezonin e kaluar, por përfundimisht mbeti në San Siro dhe shënoi 17 gola për titullin e Serie A 2020-21. Me dyshen e Arsenalit Alexandre Lacazette dhe Eddie Nketiah, që që të dy përballen me një të ardhme të pasigurtë në klub, topçinjtë thuhet se po planifikojnë një lëvizje për Martinezin dhe me sa duket mund të përdorin Hector Bellerinin si pjesë e një marrëveshjeje.
Megjithatë, reporteri i Sportmediaset, Marco Barzaghi thotë se Martinez nuk është i interesuar për një lëvizje në Premier League dhe është gati të niset vetëm për La Liga. Barcelona, Real Madrid dhe Atletico Madrid mendohet se janë klubet e vetme që mund të tundojnë Martinezin me një largim nga Interi, ku ai do të mbetet sipas kontratës deri në vitin 2023. Argjentinasi gjithashtu shënoi tre gola për vendin e tij gjatë turneut triumfues të Copa America, dhe mburret me një total prej 49 golash në 132 paraqitje për Interin.
