Këtë herë ishte Valtteri Bottas që bëri më shpejt xhiron, duke e ndalur kronometrin në kohën 1.09.281. Vetëm tre të mijtat më ngadalë ishte shoku i tij i skuadrës, Lewis Hamilton, që pjesën më të madhe të këtij sesioni e zhvilloi me gomat më të forta, që pilotët do të përdorin në këtë garë.
Sa i përket Ferrarit, kishte bërë shumë përmirësime nga dy sesionet e mëparshme dhe Kimi Raikkonen e udhëhoqi për pjesën më të madhe sesionin e tretë, por koha e tij nuk shkoi më mirë se 1.09.326. Por, 45 të mijtat më ngadalë ishte Sebastian Vettel, që konfirmoi se Interlagos nuk është një pistë shumë e favorshme për Ferrarin.
Lewis Hamilton, i shpallur zyrtarisht kampion botë në Meksikë, do ta nisë nga fundi, pasi u përplas me murin rrethues që në fillim të provave. Ky ishte gabimi i parë i britanikut në një sezon thuajse perfekt për të, teksa e siguroi titullin dy gara para përfundimit të sezonit. Gjithsesi, “pole Position” në Brazil shkoi po për një pilot të Mercedesit, me skuadrën gjermane që edhe në këtë rast, pavarësisht aksidentit të Hamilton, ishte një hap para rivalëve. Gara e Çmimit të Madh të Brazilit, që do të zhvillohet në cirkuitin e Interlagos, do të nisë të dielën, në orën 17:00.
